Қалиева Эльмира Ізмұханқызы

gallery/daaa

«Өрлеу» БА ҰО» АҚФ Маңғыстау облысы бойынша ПҚ БАИ директоры

     1973 жылы 19 қазанда Маңғыстау облысы Ералиево поселкесінде дүниеге келді.

     Білімі жоғары. 1990 жылы Алматы қаласындағы Қазақ мемлекеттік шет тілдері университетіне оқуға түсіп, 1995 шет тілі және қазақ тілі мамандығы бойынша бітіріп шықты.Еңбек жолын 1995 жылы Ш.Есенов атындағы Ақтау мемлекеттік университеті «Педагогика және психология» кафедрасының оқытушысы болып бастаған. Сол кезден бастап ол осы оқу орнының (қазіргі атауы - Ш.Есенов атындағы Каспий мемлекеттік технологиялар

және инжиниринг университеті) қабырғасында үзіліссіз 24 жыл бойы оқытушы, аға оқытушы, доцент, профессоры міндетін атқарушы болып қызмет істеп келді.1998-2001 жылдар аралығында Абай атындағы Алматы мемлекетік университетінің аспиранты болып, 2002 жылы педагогика ғылымдарының кандидаты ғылыми дәрежесі берілді.

     2011 жылы Эльмира Ізмұханқызына ҚР Білім және ғылым саласындағы бақылау комитетінің шешімімен доцент (ассоциативті профессор) ғылыми атағы берілді.

2005-2013 жылдар аралығында университеттің ғалым хатшысы және Қамқорлық кеңестің жауапты хатшысы қызметін атқарды.

     Ғылыми, оқу-әдістемелік жұмыстармен шұғылданумен қатар, студенттер, магистранттар мен PhD докторанттардың ғылыми-зерттеу жұмыстарын ұйымдастыруда елеулі үлес қосып келеді. Оның жетекшілігіммен 15-нан астам болашақ ғылыми-педагогикалық кадрлар диссертацияларын дайындап, қорғады.

      Осы уақытқа дейін 150-ден астам ғылыми мақаласы жарияланып, 10-ға жуық оқулық пен 2 ғылыми монография жарық көрді. Зерттеу жұмысының негізгі мазмұны мен тұжырымдары беделді шетелдік ғылыми басылымдарда жарияланып, халықаралық (Франция, Германия, Қытай, Ресей, Түркия, Белоруссия т.б. елдердің) және республикалық ғылыми конференцияларда, Қазақстан Педагогикалық Ғылымдар Академиясының секциялық отырысында баяндалған.

     2009 жылы Маңғыстау облысының білім беру жүйесін дамытуға қосқан үлесі үшін облыс әкімінің Құрмет грамотасымен марапатталдым.

     2018 жылы Маңғыстау облысында азаматтық қоғамды қалыптастыруға және дамытуға қосқан үлесі үшін облыс әкімінің Алғысына иеленді.

     2011 жылы білім беру саласындағы ерекше еңбегі үшін «Қазақстан Республикасының білім беру ісінің құрметті қызметкері» төсбелгісімен  марапатталдым.

     Э.І.Қалиева жемісті еңбек пен тынымсыз еңбегінің арқасында, жоғары оқу орындарының ұстаздары арасында жыл сайын жарияланатын бәйгеде топ жарып, 2012 жылғы ҚР БжҒМ «Жоғары оқу орнының үздік оқытушысы» атағын иеленіп, мемлекеттік грантын жеңіп алды.

     2013 жылы дамыған Еуропа елдерінің (Франция, Испания) озық педагогикалық тәжірибесі мен ғылыми зерттеулерімен танысу мақсатында, ЮНЕСКО мен Еуропа кеңесі ұйымдастырған «Халықаралық ұйымдар мен ғылыми ынтымақтастық» бағдарламасы бойынша ғылыми тағылымдамадан өтіп, тәжірибе алмасты. Бұдан басқа,   Мәскеу университетінде педагогикалық және ұйымдастырушылық инновациялары бойынша, сондай-ақ    2017 жылы «Өрлеу» біліктілікті арттыру ұлттық орталығында да біліктілікті арттыру курсынан өтті. Қазіргі таңда халықаралық онлайн курстарын (Coursera, EdX, Open2Stady және т.б.) белсенді меңгеруде.

2019 жылдың ақпан айында «Өрлеу» БА ҰО» АҚФ Маңғыстау облысы бойынша ПҚ БАИ директоры қызметіне тағайындалды.